بەڕێوەبەرایەتی کتێبخانە فەرمانبەرێکی خانەنشینبووی خەڵات دەكات

وەك نەریتێك بەڕێوەبەرایەتی کتێبخانەی ئەوقافی سلێمانی لەپای ئەو خزمەتە زۆرو ماندووبوونەی چەند ساڵەیان رێز لەفەرمانبەرە خانەنشین بووەكانی دەگرێت. ئەمڕۆ، خاتوو کەوسەر محەمەد بەڕێوەبەری کتێبخانە بە ئامادەبوونی ژمارەیەک لەلێپرسراوی هۆبەکان و فەرمانبەران کتێبخانە، لەڕێورەسمێکدا چەپکەگوڵ و خەڵاتی رێزلێنانی بەخشیە فەرمانبەری بە ئەمەک و دڵسۆزی کتێبخانە(عوسمان مەحمود حمەفتاح) كە ماوەی ٢٥ ساڵە خزمەتی کتێبخانە دەكات. لەوتەیەكیدا بەڕێوەبەری کتێبخانە بەناوی سەرجەم فەرمانبەرانەوە سوپاسی ئەو خزمەت زۆرەی فەرمانبەری خانەنشین بووی كرد و هیوای تەمەن درێژی و لەشساغی بۆ خواست.